Kolektyw

Gruba to inicjatywa kero zrodziła sie z tego, że pszajymy sztuce, dizajnowi i inkszym przyoblyczkom. Ze pasyji do arbajtu i tego coby durś sie rozwijać. Cylujymy w tych, kerzy som ambitni, wyzgerni, durś by fantazyjrowali i pokazali to, co umiom najlepiej łonaczyć. Gruba je dlo tych, kerzy festelnie pszajom swoimu hajmatowi i chcom pokazać jaki potencjał majom Ślonzoki. Gruby u nos fedrujom i skludzajom najwiynkszy skarb Ślonka ¬– wongel. Takim bajszpilym noszo Gruba bydzie łodnajdywać ludzi, co richtig cosik umiom i bydzie im pomogać. Gruba to kopalnia, kopalnia to Gruba. Idzie pedzieć, że Gruba to tyż może być tako richtig Ślonzoczka. Tako baba, co zawżdy wiy co sie kaj dzieje, fto z kim i kaj, a czymu, a po co, a na co, na ja… I zawżdy mo na dycki łodpowiydź. Ale to tyż tak niy do końca. Spomniano Ślonzoczka to tako troskliwo i pszajonco swoim bajtlom matulka. I dicht taki bydzie nosz kolektyw. Podług zasad crowdfundingu, to sami bydymy sie ło sia starać, tajlować preba i łorganizować cajt.

Frank Zappa pedzioł rozcasu, że noszo gowa je echt jak spadochron. Kej je zawarty to łon niy działo. My go akuratnie łotuorzyli fest wysoko nad Ziymiom i jak tak furgomy, torozwijomy nasze skrzidła.

JAK DO NOS DOŁONCZYĆ?

Pszajesz Ślonkowi, mosz gowa cołko roztomajtych idyji, mosz wzocne szprymy? Poaś sie nom i pokoż swój talynt.
Szrajbnij czymu chcesz łostać wroz ze nami, pokoż nom coś już złonaczył. Somy tego pieronowo zwiedowne.

 

Dołącz do nas

 

Zapisz się do
newslettera

Nie pozwól, aby coś Ci umknęło, zapisz się do newslettera i otrzymuj wszystkie smaczki ze świata kreatywnego na swoją skrzynkę pocztową.


Email marketing software powered by FreshMail